Júlí 2013

Mirra frá Fornusöndum fékk fyrstu verðlaun í kynbótasýningu á Hellu nú í júlí. Hún fékk 8,04 í aðaleinkunn, þar af 8,11 fyrir hæfileika. Mirra hækkaði í aðaleinkunn frá sýningu á Selfossi í maí og upp í fyrstu verðlaun. Þar hlaut hún hins  vegar hærri byggingareinkunn en nú, eða 8,01. Draumadís frá Fornusöndum hækkaði sig líka í sýningunni á Hellu og er nú alveg við fyrstu verðlaun, fór úr 7,87 í 7,96 í aðaleinkunn. Hún fékk nú 8,14 fyrir hæfileika, 8 í öllum atriðum hæfileikasýningarinnar, nema 8,5 fyrir brokk og vilja og geðslag. Mirra er í eigu Magnúsar Geirssonar, fædd 2007, undan Adam frá Ásmundarstöðum og Bylgju frá Fornusöndum, Kjarksdóttur. Draumadís er fædd 2006, ræktuð af Magnúsi, en eigandi er Kolbrún Sóley Magnúsdóttir. Draumadís er undan hinni verðlaunuðu kynbótahryssu, Frigg frá Ytri Skógum og Hreimi frá Fornusöndum.