Mars 2013

Stóðhesturinn Safír frá Fornusöndum er í þjálfun hjá Guðmundi Björgvinssyni, knapa ársins 2012. Safír þykir sýna afburðatölt, en hann vakti í tamningu strax athygli fyrir fótaburð og ljúfa lund. Hann er í eigu Finnboga Geirssonar, undan Auði frá Lundum og Eldingu frá Fornusöndum. Elding er enn fullfrísk ræktunarhryssa, undan Gný frá Stokkseyri og sammæðra gæðingnum Kristal frá Fornusöndum, undan Freyju frá Uxahrygg.