Júní 2012:

Villimey frá Fornusöndum verður á meðal keppenda í B flokki gæðinga á Landsmótinu í Víðidal. Villimey og Þorvarður Friðbjörnsson fengu 8,29 í einkunn í forkeppni Hestaþings Sindra, en Klængur frá Skálakoti og Hekla Katarína Kristinsdóttir 8,30. Þessir tveir hestar verða því fulltrúar Sindra í B flokki á Landsmótinu.

Keppni í úrslitum var afar spennandi. Klængur og Hekla urðu efst með 8,88, Festi frá Efstu Grund og Hlynur Guðmundsson komu næst með 8,53. Villimey og Þorvarður fengu 8,43, sömu einkunn og Þokki frá Efstu Grund og Kristín Lárusdóttir, sem eru í Hestamannafélaginu Kópi. Villimey frá Fornusöndum er undan Frigg frá Ytri Skógum og Orra frá Þúfu. Eigandi er Finnbogi Geirsson.